Forseti heimsækir Seljaskóla í Reykjavík í tilefni af Forvarnardeginum 2023. Forseti skoðaði húsakynni í fylgd skólastjóra og annarra starfsmanna, heimsótti yngri deildir og deild fyrir ungmenni í leit að hæli og skjóli á Íslandi. Þá ræddi hann við nemendur 9. bekkjar um gildi forvarna og þá vellíðan sem fylgi því að rækta með sér heilbrigðan lífsstíl, sofa vel og forðast áfengi, tóbak og önnur vímuefni.