Heimsóknir á Bessastaði

Þúsundir gesta sækja Bessastaði heim á ári hverju, ýmist sem boðsgestir eða ferðamenn. Þá hafa hópar getað skoðað staðinn eftir nánara samkomulagi en nú stendur það einnig einstaklingum til boða.

Sá hluti Bessastaða, sem þannig er hægt að skoða, er Bessastaðastofa, að meðtöldum fornleifakjallara móttökusal og bókhlöðu. Þeir sem hafa hug á að skrá sig í skoðunarferð eru beðnir um að senda tölvupóst á netfangið heimsoknir @ forseti.is. Þá verður fljótlega haft samband við fólk og hentugur tími fundinn. Vinsamlegast skrifið "Skoðunarferð" í efnislínu póstsins, takið fram fjölda gesta ef um hóp er að ræða og látið vita á hvaða tíma mundi helst henta að skoða forsetasetrið. Fyrsta kastið er aðeins gert ráð fyrir að leiðsögn sé veitt á íslensku.