Forseti tekur þátt í hátíðahöldum og viðburðum á sjómannadeginum. Að morgni dags var forseti viðstaddur afhjúpun minnisvarða við franska spítalann sem opnaður var við Frakkastíg í Reykjavík árið 1902, ætlaður frönskum sjómönnum en þjónaði um leið íslenskum almenningi. Síðan lá leiðin að minnismerkinu í Fossvogskirkjugarði um sjómenn sem létu lífið á hafi úti. Þar var að venju minningarathöfn á sjómannadegi. Forseti var síðan við sjómannamessu í Grindavíkurkirkju, flutti hátíðarávarp á samkomu við Grindavíkurhöfn og heimsótti dvalarheimili aldraðra í bænum ásamt forsetafrú og börnum þeirra. Að síðustu var forseti á Laugardalsvelli og fylgdist með íslenska karlalandsliðinu í knattspyrnu afla þriggja dýrmætra stiga í leik gegn Króötum.
Fréttir
|
11. júní 2017
Sjómannadagurinn
Aðrar fréttir
Fréttir
|
16. apr. 2024
Forsætisráðherra Skotlands
Forsetahjón eiga fund með Humza Yousaf.
Lesa frétt